طريقه عمل اصابع جلاش بالمكسرات مقدمه من الشيف ساره محمد

اصابع الجلاش بالمكسرات من الحلويات الشرقية الخفيفة مفيد جدا لإحتوائه على نسبه كبيره من المكسرات المفيده لجسم الانسان
تعرف علي الوصفه معنـــا
مده التحضير :نصف ساعة
مده الطهى: نصف ساعة
المقاديــــر.....
نصف كيلو جلاش
حوالى كوب سمن بلدى مع ربع كوب زيت
كوب مكسرات مفرومه
ملعقتين شربات كبار(سيرب)
مقادير السيرب:
كوبين سكر
كوب ماء
عصرة ليمون
الطريقـــــة....

• اولا تحضير السيرب (الشربات)
• في اناء اضع الماء والسكر والليمون ويترك علي النار خمس دقائق
• ثم يوضع في الثلاجه يبرد
• ثانيا الجلاش
• بقلب المكسرات المفرومه مع ملعقتين الشربات ودة بيخليها متماسكة ومش تقع من الاصابع
• بنحضر ورقتين من الجلاش وادهن كل ورقة سمن واضعهم على بعض واضع المكسرات على طرف الورقتين والفهم رول وكل ما الف ادهن سمن عشان دة سر التوريق وانة يكون هش
• اقطعة اصابع حسب الطول اللى تحبيه ويرص بصينية الخبز وهكذا باقى الكمية
• وبالاخر ادهن الجلاش سمن تانى من فوق الوش
• ويخبز في فرن ساخن مسبقا ويترك حتى ياخذ اللون الدهبى
• يخرج من الفرن يسقى بالشربات البارد