صينية الكوسه بالفراخ مقدمه من شيف امنيه مرجان

اسم الوصفة : صنية الكوسة بالفراخ
مقدمة من : الشيف أمنية مرجان
الكوسه بطريقة صحية بدون اي دهون وتنفع للدايت
مدة التحضير : 15 دقيقة
مدة الطهي : 30 دقيقة او حسب الفرن
المقادير
نصف كيلو كوسه
نصف كيلو  طماطم
بصل
التوابل
كمون وفلفل اسود وملح وجنزبيل بودر
الطريقة
يقطع البصل قطع صغيرة ونضع عليه التوابل وتقلب مع البصل جيدا نقلبها بأيدينا عشان البصل يتشرب من التوابل وبعدين ناخد نصف كمية البصل ونتبل بيها الاوراك ونحشي تحت الجلد ثم نأخذ نصف كمية البصل الاخر ونقلب بيه الكوسة جيدا ثم نضع اوراك الفراخ علي الوجه ونضع فوقها عصير الطماطم ونضعها علي البوتجاز تأخذ غلوتين ثم تدخل الفرن وعند القرب من النضج نشغل الشوية تأخذ لون وبعد أخذ اللون المناسب تخرج وتقدم وبالهنا والشفا

ملحوظة :
.انا عملتها صحية ومحطتش فيها اي دهون نهااائي وطالع طعمها رووعه عشان الفراخ كمان مديها طعم انتوه لو عاوزين تحطوا زيت او سمنه عادي بس هي مش محتاجة

البرازق مقدمه من روفيدا محمود

إسم الوصفه البرازق
مقدمه من روفيدا محمود
المقادير..
كوب ونصف دقيق
كوب إلا ربع سمنه سايحه
كوب إلا ربع سكر بودر
3معالق لبن بودر
ربع كوب زيت
ربع كوب ماء..رشة ملح
فانليا..ملعقه صغيره بيكينج بودر
* للوجه..
3كوب سمسم/ 1كوب سوداني مجروش أو فستق/ 2ملعقة شربات ثقيل / 2ملعقه عسل اسود
2ملعقة ماء..
* طريقة التحضير..
يخلط الدقيق مع السمنه والزيت ويبس باليد أو في الكبه ثم يوضع اللبن البودره والبيكينج بودر والفانليا ورشة الملح ويقلب.
يذوب نصف مقدار السكر البودر في ربع كوب الماء ويوضع علي الخليط السابق بالتدريج وتلم عجينه مثل عجينة الغريبه.
تدخل الثلاجه ربع ساعه.
تجهز خلطة الوجه..
يخلط السمسم والعسل والشربات ويقلب نضع عليه ملعقتين الماء ويقلب.
تشكل العجينه كور صغيره تغمس كل كوره في السوداني المجروش ثم في خلطة السمسم ويضغط عليها باليد وتساوي دائره وترص في صاج علي وقة ذبده وتدخل الفرن .وبالهنا والشفا
مديرة المجله شيف بوسي السيد

الطفل محمد ضحية الاهمال الطبي

محمد طفل عنده 3سنين ونص دخل يعمل عملية لوز وهي من ابسط واسهل العمليات اللي ممكن اي حد يعملها
لكن للاسف كان حظه انه وقع تحت ايد دكاتره معدومي الظمير والانسانيه
ولا يستحقو لقب دكاتره
محمد اخد جرعة بنج ذياده دخلته في غيبوبه وبعدها للاسف توفي واهله مش قادرين ياخدو حق ابنهم بالقانون لان الطفل لازم يتشرح واحنا لازم نوعي كل الناس انهم يمنعو اي تعامل مع المهملين المجرمين دول👇
عمل العمليه في عيادة دكتور ممدوح ابراهيم بكفر الدوار
والدكتور المهمل عديم الضمير دكتور التخدير احمد عبد العزيز

صينية بطاطس بالفراخ مقدمه من شيف امنيه مرجان

اسم الوصفة : صنية البطاطس بالفراخ

مقدمة من : الشيف أمنية مرجان
مدة التحضير :20 دقيقه
مدة الطهي : من 30 إلي 50 دقيقه حسب الفرن
المقادير
 عصير طماطم
بطاطس مقطعه حلقات
بصل مقطع حلقات
فلفل اخضر رومي او حامي حسب الرغبه مقطع
فراخ مقطعه حسب عدد أفراد الأسرة
معلقتين سمنه ومعلقتين زيت
التوابل :
فلفل اسود
كمون
ملح
ثوم بودر
بصل بودر
زنجبيل بودر
الطريقه:
تغسل الفراخ بالطريقة المعتادة جيدااااا
ثم نحضر صنية ونضع فيها البصل والتوابل ويقلبوا جيدا باليد حتي يتشرب البصل من التوابل ثم نضع جميع المكونات معادا الطماطم ويقلبوا جيدا مع البصل والتوابل ويتبل الفراخ جيدا من التوابل والبصل وترص  الصنية ونضع الفراخ علي الوجة ثم عصير الطماطم ونضع معلقتين سمنه ومعلقتين زيت علي الوجه
ثم نضعها علي البوتجاز تأخذ غلوة أو اتنين ثم تدخل الفرن وعند القرب من النضج نشغل الشواية حتي تأخذ اللون المناسب
ملحوظة
 .قبل ما نشغل الشواية نختبر الفراخ بخلة اسنان أو شوكة لتأكد من تمام النضج
. الكمية والمقادير تضاف حسب الرغبه وحسب عدد أفراد الاسرة
هسبكم مع الصور بقا يارب اكون قدرت أوضح ليكم بطريقه سهله وبسيطة

معجنات بالجبنه مقدمه من شيف ايمان جمال

الوصفة معجنات بحشوة الجبن
مقدمة من الشيف ايمان جمال
مدة التحضير ساعة
مدة الطهى ٢٠ دقيقة
المقادير
3 أكواب ونص دقيق  أبيض
 نص م ص ملح
 ملعقتين كبيره زبده ذايبه
بيضه
 كوب حليب طازج دافي
 م كبيرة خميره
 3 م ك سكر
الحشو جبنة بيضة
الطريقة
 نخلط الحليب مع الخميره والسكر حتى ترتفع
 نخلط الدقيق  و الملح والبيضه والزبده ونضيف
لهم خليط الخميره
 بالعجانه أو باليد نعجن و  نضيف الحليب
 نتركهاا ترتاح تتخمر ويتضاعف حجمها
 نقطعها قطع صغيره تقريباً
نشكلها حسب الرغبة ونحشيها  . نرصها  بصينيه ونغطيها تتخمر40 دقيقه ثم نخلط صفار بيضه مع شوي حليب وندهن حبات البريوش بهدوء ونرشّها بالسمسم
 ندخلهم لفرن حار مشغل من تحت بعدين نحمرها من فوق  ،  بألف صحة وهنا
مديرة المجله شيف بوسي السيد

كيك العنب اللذيذ مقدم من شيف رانيا الفار

اسم الصنف كيكه باالعنب
مقدم من رانيا الفار
مده التحضير 30 دقيقه
مده الطهى 45 دقيقه
المقادير
كوب سكر
كوب لبن
نصف كوب زيت
2 بيضه
فانيليا
2 كوب دقيق
باكو بيكنج بودر
ذره ملح
الطريقه
نقوم باضافه المواد السائله باالخلاط اللبن والبيض والفانيليا  والزيت والسكر ونضرب الخليط جيدا ونقوم باضافته على 2 كوب دقيق والبيكنج بودر وذره الملح ونقلب جيدا
ونضعه باضافه الخليط فى صينيه مقاس 24 بعد ذلك نقوم باحضار العنب وتغليفه 2 معلقه دقيق ونقلبه ونضيفه فوق سطح الكيكه ثم ندخل الصينيه بفرن ساخن لمده 45 دقيقه ونخرجها ونزينها بكمبوت العنب  وتقدم باالهنا
مديرة مجلة فلفل شطه شيف بوسي السيد

طاجن الباميه مقدم من الرحيق المختوم

طاجن الباميه
مقدم من الرحيق المختوم
كيلو بامية
بصلة صغيرة مفرومة
سبعة فصوص توم مفروم
3فص توم
فلفلة حارة
لتر عصير طماطم
ملعقتين صلصة
ملعقتين كزبرة جافة
نصف ملعقة كمون
ملعقة صغيرة سكر
فصين مستكة
عصير لمونة
ملعقتين سمن
شوربة ولحم مسلوقة
ملح وفلفل
الطريقة:
(اولا)
يوضع الطاجن في الفرن يسخن
(ثانيا)
حلة فيها السمن وملعقة كبيرة زيت نباتي تسخن مع فص مستكة ونسيحها ، وانزل بالبصلة الصغيرة المفرومة ناعم وتشوح ، ثم انزل بالتوم المفروم ويشوح معا ، ثم انزل بالبامية وتشوح حتي تتشرب كل المادة اللزجة اللي فيها تماما ، ثم انزل بالفلفلة الحارة المفرومة وانزل  بالصلصة وتشوح ، ثم عصير الطماطم والسكر والبهارات وباقي التوابل كلها ، والشوربة حسب الاحتياج وملح وفلفل اسود وتترك تغلي كويس علي النار عشر دقايق ،
(ثالثا)
نخرج الطاجن من الفرن ويصب فيه كل خليط البامية والتوم والفلفلة يفرموا جيدا وتوضع علي البامية وتقلب تقليبة ويدخل الفرن ليكتمل السوا وفور خروجها من الفرن بعد النضج تعصر عليها عصير لمونة وتقدم بالهنا.
مديرة مجلة فلفل شطه الشيف بوسي السيد

زبدة اللوتس الاصليه للحلويات مقدمه من شيف دينا يوسف

زبده اللوتس
زبدة اللوتس تستخدم في مكونات وحشوات الحلويات
مقدمه من شيف دينا يوسف
المكونات
10 حبات بسكويت اللوتس
3ملاعق كبار قشطه بوك
ملعقة زيت
الطريقه
يطحن البسكويت جيدا ثم يضاف اليه القشطه والزيت
ثم نكمل خلطهم جيدا مع بعض لتتكون الذبده الاسبريد

في نوع تاني كرانشي
بيقرمش كدهً وبتحس بطعم البسكوت ف بوقك
دا الزياده عليه معلقتين سكر بني يتضربوا معاه وحبايتين بسكوت يتفرفتوا بالايد فالاخر بس ونقلب بالمعلقه
واعملي احلي حلويات ب زبده اللوتس ووفري شويه من التكاليف
وتقدري تعملي اي زبده بسكوت بتحبيه من نفس الطريقه
وتعملي منه توبنج للاكلير كمان بيديله طعم وهمي
مديرة مجلة فلفل شطه الشيف بوسي السيد

المخ اللذيذ بطريقه جديده مقدمه من دعاء فايد

مخ بطريقه جديده
مقدم من دعاء فايد
الطريقه
يهرس جيدا مع فلفل اسمر وكمون وفلفل حامي ومعلقتين ثلاثه دقيق
وملح و يسخن زيت وبالمعلقه كانك بتعملي بقلاوه
وتفرديها شويه في الطاسه ولما تحمر طلعيها علي مناديل والف هنا وشفا ❤

مومياء اثرية تخص الاب وراء مقتل طفلين بميت سلسيل بالدقهلية

مومياء اثرية تخص الاب وراء مقتل طفلين بميت سلسيل بالدقهلية

انتقاماً جبارا من الاب الذي اعترف بتجارته في الاثار و خلافه مع شريك له كان السبب في قتل اطفاله
حيث أدلى والد الطفلين محمد وريان اللذين عثر عليهما مقتولين داخل إحدى الترع في فارسكور بدمياط، بأقوال جديدة أمام نيابة ميت  سلسيل،

إذ تبين وجود خلاف مع أحد سماسرة تجارة الآثار غير المشروعة بمركز أجا، حول قطعة أثرية "قطة فرعونية" اجتلبها من تشكيل إجرامي في دمياط
وكان الطفلان اختطفا مساء أول أيام العيد، أثناء تواجدهما في الملاهي للتنزه مع والدهما، عن طريق حيلة جديدة، اتبعها الخاطفون بادعاء أحدهم معرفة الأب، وإشغاله حتى ينفذ باقي أفراد العصابة عملية الخطف، وعثر عليهما عدد من أهالي فارسكور بدمياط.
وأشار والد الطفلين إلى أنه أعطى للسمسار مبلغ 300 ألف جنيه كعمولة على القطعة الفرعونية والمبلغ المتفق عليه 800 ألف جنيه مؤكدا أنه ما حدث للطفلين إجراء انتقامى.

وتعود الواقعة، عندما تلقى اللواء محمد حجي، مساعد وزير الداخلية لأمن الدقهلية، إخطارًا من اللواء محمد شرباش، مدير المباحث الجنائية، يفيد بورود بلاغ لمركز شرطة ميت سلسيل من محمود نظمي السيد ومقيم منطقة البحر الجديد بالمدينة باختطاف طفليه محمود وريان أثناء تواجدهما معه بالملاهي الكائنة بالمنطقة.

وانتقل رجال المباحث، برئاسة الرائد محمد فتحي صالح، رئيس المباحث لمكان البلاغ، وتبين أن الطفلين كانا مع والدهما للاحتفال بالعيد، إلا أن الوالد فوجئ بشخص يأخذه بالأحضان، ويدعي أنه زميله في المدرسة بالمرحلة الابتدائية، وظل يتحدث معه، وعندما تركه وذهب، لم يجد نجليه، فيما أشار شهود عيان إلى أنهم رأوا الطفلين بصحبة سيدة منتقبة، استقلت توك توك، وسارت بهما عبر طريق السرو.
وجرى تشكيل فريق بحث لسرعة الوصول للخاطفين، والطفلين، إلا أنه وردت إشارة بالأمس، من مركز شرطة فارسكور، تفيد بالعثور على الطفلين مقتولين، بإحدى الترع، وتم انتشالهما، ونقل الجثامين إلى مستشفى فارسكور.

كباب الحله مقدم من شيف بوسي السيد

كباب الحله
مقدم من مطبخ ام اسر
المكونات
نصف كيلو لحمه مكعبات
2بصله متوسطه
قرفه
بهار لحمه
جنزبيل
ذر ورد
ملعقة سكر
ملح وفلفل
الطريقه
يقطع البصل مكعبات ويشوح في زيت زيتون
يتبل بقرفه وفلفل اسود ليعطي راىحه جميله
يضاف السكر ويقلب مع البصل جيدا ليتكرمل
يضاف اللحم ويتبل بالجنزبيل وذر الورد وبهار اللحمه والملح
يذود بالماء ويترك حتي ينضج ويقدم
ملحوظه
ممكن اضافة فلفل رومي ومكعبات طماطم او مكعبات بطاطس
حسب الرغبه

وصفات مصوره ومتنوعه للدجاج مقدمه من شيف بوسي السيد

طرق ووصفات متنوعه للدجاج
مقدمه من مطبخ ام اسر

رقاق العيد مقدم من الرحيق المختوم

الرقاق
مقدم من الرحيق
المكونات
كيلو دقيق
رشة ملح
مياه للعجن
الطريقه
تعجن المكونات كلها مع بعض عجينة يابسة
 وتترك ترتاح ثم تقطع كرات صغيرة
ونفردها برشة الدقيق فوقها وتحتها بالنشابة
 وتسوي علي الجريل علي النار والف هنا
مديرة مجلة فلفل شطه الشيف بوسي السيد

الكشري المصري بكل تكاته مقدم من شيف ايمان جمال

الكشري المصري
مده التحضير 30دقيقه
مده الطهي60دقيقه
 مقدم من الشيف ايمان جمال
المقادير
250 جرام مكرونة صغيرة
250 جرام مكرونة اسباجيتي
250 جرام عدس اسمر
2 كوب ارز
1/2 1 كوب شعرية2ثمرة بصل كبير
2 ملعقة كبيرة صلصة
5 ثمرة عصير طماطم
1 راس ثوم
مقدار زيت ذرة
2 ملعقة كبيرة خل
مقدار ملح وفلفل اسود وكمون
1- يغسل الأرز جيدا.
2- يغسل العدس جيدا
3- يقشر الثوم ويفرم
الطريقه
1- تسلق المكرونة وتصفى.
2- يسلق العدس بدون إضافة ملح وتقلل عليه النار جدا عندما يغلي وبعد نضجه يصفى جيدا ويضاف له الملح والفلفل الأسود وقليل من الكمون.
3- تحمر الشعرية في الزيت ويضاف لها الأرز والملح ويقلبان معا لدقيقة ثم يضاف الماء وبعد غليانه تقلل النار ويترك - مع التقليب – حتى ينضج.
4- يقطع البصل أنصاف حلقات ويحمر في زيت غزير إلى حد ما حتى يصبح لونه أقرب إلى اللون البني ثم يصفى من الزيت جيدا بالضغط عليه ويترك ليتقرمش.
6- يتم عمل الصلصة بوضع الثوم المفروم في الزيت حتى يحمر ثم يضاف الخل فورا ويليه عصير الطماطم والصلصة ويترك حتى يثقل (حوالي 20 دقيقية)   
طريقة لقرمشة البصل
وهي رش قليل من الدقيق على البصل وتقليبه جيدا ولكن لا يوضع في الزيت الا بعد ان يسخن الزيت جيدا جدا لكي لا يلتصق  ملحوظه يمكن سلق حمص واضافته الكشري

الملوخيه مقدمه من شيف امنيه مرجان

اسم الوصفة : طريقة عمل الملوخيه المجمدة
مقدمة من : الشيف أمنية مرجان
مدة التحضير : 5 دقائق
المقادير : كيس ملوخية مجمدة وانا استخدمت بسمة
٣ كوب شوربة لحم او فراخ
كزبرة وثوم مفروم
الطريقه
بتعملي الملوخية المجمدة ازي
تعالي اقولك علي طريقة حلووه وخصوصا لو مستعجلة

هتغلي الشوربة وطبعا الشوربة هتكوني مظبطه التوابل بتاعتها وبعد ما تغلي هطفي النار واحط كيس الملوخية المجمدة واغطي الحلة واسيبها بقا شوية لحد ما تفك وقلبي فيها علي البارد كده طبعا كل ده والنار مطفية اول ما تفك شغلي النار تاني بس خليها نار هادئة وضعي معلقة صغيرة من الثوم الني والكزبرة الناشفة بدون تحمير مع الملوخية وتكوني محضرة الثوم والكزبرة والسمنة
هنحمرهم مع بعض واول ما الملوخية تبتدي تغلي من الجنب كده هتحطي الطشه بتاعتها وتاخد غلوة غلوة فقط مع التقليب وبعدها اطفي النار ومتغطهاش وتتقدم علي طول
ملحوظة :
لا تتركوا الملوخية تغلي حتي لا تفصل
لا تغطي الملوخية وهي ساخنة اتركيها تبرد تمااما وغطيها
لو الملوخية طلعت معاكي تقيلة زودي ليها شوربة حتي تحصلي على القوام المناسب
مديرة مجلة فلفل شطه شيف بوسي السيد

ميني بيتزا بعجينه هشه مقدمه من شيف اسماء عزازي

مينى بيتزا
مدة الطهي ٢٠دقيقة
مدة التجهيز ساعة
المقادير
١ كيلو دقيق
٢٠٠ زبدة
١٥٠ سكر
١٠ جم ملح
١٠ جم محسن بديل المحسن معلقتين خل
٢٠ جم خميرة
١٠٠ جم لبن
٢ بيضة
الطريقة
جميع الخامات فى العجانة والماء حسب الطلب
يعجن العجين جيدا
بعد الانتهاء يعجن العجين يفرك العجين لمدة خمسة دقائق وبعد ذلك فرد العجين وتقطيعة بفرمة مدورة بعد ذلك رص العجين فى الصاج وتلميعة بيض وبعد ذلك اضع الحشو كما اوريد ثم اتركة حتى يخمر اخبزة. على درجة حرارة ٢٢٠
مديرة المجله شيف بوسي السيد

نصاىح لست البيت مقدمه من شيف امنيه مرجان

(( شوية نصايح للمطبخ ))
-------------------------
_ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه عشان يطلع دهبى ومقرمش
_ العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر
للبانيه والفراخ المقرمشة
_ الباذنجان المخلل ضيفي نعناع ناشف مع التوم بيدى طعم جميل
_ البشاميل ضيفي جبنه مثلثات او كريمي وقشطة وجبن رومي مبشورة و٣ ملاعق مايونيز
وعلي الوش موتزريلا عشان يخلى المكرونة تطلع جامدة
_ الملوخيه ملعقة سكر وشوية كاتشب او ملعقة صلصة بتخليها مسكرة وجميلة
_ ملعقة سكر في صلصة المكرونة عشان متعملش حموضة
_ قشر الليمون في زيت قلي السمك
_ نقع البانيه في لبن قبل التتبيلة بيكون حلو ومتشرب من اللبن
_ الشاورما اللحمة ضيفي لها قطعة ليه ضانى بتدى ريحة وطعم جميل
_ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت
_ قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد
_ رشة لبن بودرة علي وش البشاميل هتدى لون حلو للمكرونة
_ محشي الكرنب سخني حته زبدة وقشطة وحطيه عليه قبل ما يستوي عشان يبقى بيلمع وطعمة جميل
_ ملعقة خل في الكيك بتخليها هشة وطرية
_ عسل في تتبيلة الفراخ المشوية بتدى طعم حلو _ زبادي في تتبيلة البانيه بيخلية طرى ومستوى كويس
_ البتنجان المحمر خليه وهو سخن واقفلي عليه العلبه عشان يطلع طرى مش ناشف
_ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق
_ البطاطا المشوية واعمليها في الكيس الحراري رشي عليها سكر وتدخليها الفرن هتستوى اسرع وهتبقى حلوة
_ ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة
_ لما تشربي القهوة مترميش التفل ده سكرب هائل لبشرتك ادعكى بية وشك والديك
_ اكياس الشاي مترميهاش سقعيها وحطيها علي عينك للاجهاد والهالات السودا
_ الرز باللبن ضيفي كيس كريم شانتيه هيخلى الطعم جامد وزى بتاع برة بالظبط
_ والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان
_ رشي دقيق علي بصل الكشري قبل التحميرعشان يكون مقرمش
_ سفن اب او ميرندا الكيك بيخليها هشة وجميلة
_ رشة زعتر علي صلصة المكرونة بتدى ريحة حلو وطعم مميز
_ بيكنج بودر علي عجينة الكفته المشوية ميخلهاش تكش وتكون منفوشة زى ما هى
_لفي الليمون في مناديل عشان يحتفظ بلونة وميعفنش
_ ملعقة سكر لخلطة المحشي وابشري الطماطم متعصريهاش في الخلاط لو بتحبية نى فى نى مش متسبك بيخلى طعمة جميل لو متسبك هنعصرها طبعا
_ تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة
_ الرز الابيض شوحي مستكة وحبهان في السمن قبل الرزهيدى ريحة حلوة لرز
_لاحلي صلصة مكرونة اضربي مع الطماطم توم وفلفل رومي وفلفل حامي
_ إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو
_الحمام المحشي 30 دقيقة بعد غلي الميه لسلقة
الممبار 45 دقيقة لسلقة
الفراخ المحشية ساعة وربع
_ الكيس الحراري لتسوية الفراخ والبط
_ حشو الجلاش موتزريلا مع العصاج
_ الرز البسمتي اكشفي الغطا بعد ما يستوي عشان يبقى مفلفل ميعجنش
_ زيت البطاطس نضفي بيه السيراميك والشفاط هينضف بسرعة جدا
_ وانتي بتقلي البانيه حطي ملعقة زبدة مع الزيت هيبقي زي المطاعم

باستا بطريقه روووعه مقدمه من شيف بوسي السيد

المكونات

باستا مسلوقه

جمبري

كابوريا مدخنه

صويا صوص

عصير ليمونه

بصل مكعبات صغيره

ملح

فلفل

كمون

ثوم بودر

الطريقه

يشوح الجمبري والكابوريا مع البصل ويتبل بكل البهارات السابقه

يضاف الصويا صوص ويخفف بقليل من الماء وعصير الليمونه

تضاف الباستا وتقلب جيدا معهم وتترك خمس دقاىق علي النار 

ثم تقدم

كعب الغزال مقدم من الشيف ايمان جمال

كعب العزال
مقدمة من الشيف ايمان جمال
مدة التحضير ساعة ونصف
مدة الطهى 15 دقيقة
المقادير
كيلو دقيق
وكوب ونص سمنة
وكوب لبن دافئ
كوب سكر
معلقة كبيرة خميرة
رشة ملح
نص كباية سمسم للعجن
الحشو
عجوة او ملبن
الطريقة
نضع الدقيق فى طبق كبير ثم نسخن السمنة على النار نخليها تسخن جدا ونضعها  على الدقيق ونقلب بالملعقة وعندما يبرد قلبى بيدك وادعكيه حتى  يشرب كل السمنة
ثم ندوب اللبن مع الخميرة والسكر ونضع كل المقادير  لو احتاجت مية او شوية لبن كمان اوكى ماشى
ثم  نتركها تخمر وبعد الخمر ناخذ قطعة عجين ونفردها بالطول تبقى مستطيل طويل ونفرد عليها عجوة ونلف العجين على العجوةوتبقى رول نقطع قطع صغيرة وترص فى صوانى مدهونة زيت ونتركها تختمر  نصف ساعة ثم تدهن بالفرشاة بقليل من اللبن ويرش سمسم وتدخل الفرن
والف هنا
مديرة مجلة فلفل شطه الشيف بوسي السيد

كرواسون بالشيكولاته مقدم من شيف ايمان جمال

الوصفة احلى كورواسون بالشوكولاتة
مقدم من الشيف ايمان جمال
مدة التحضير ساعة ونصف
مدة الطهى 15 دقيقة
المقادير
كيلو دقيق
 معلقتين كبار خميرة فورية
 3ملاعق كبار سكر
ورشة ملح
 ونصف كوب زيت
 ونصف كوب زبدة
كوب ماء دافئ أو لبن او حسب الدقيق
الطريقة
نقوم بوضع الدقيق فى إناء ونقوم بتدويب الخميرة مع الماء او اللبن الدافئ وتخلط كل المكونات ونعجن حتى تصبح عجينة مرنة ملساء
وبعد ذلك نتركها تخمر وبعد الخمر نقوم بتقطيع العجين الى كور صغيرة وتفرد كل كورة مثل الرغيف ثم نقوم برص الكور فوق بعضها وندهن بين الكور زبدة باردة أو متسيحة وبعد اتمام رص الكور فوق بعضها نقوم بالفرد وبعد ذلك يقطع مثلثات ويحشى قطع شوكولاتة او اى حشوة انتى عايزاها
وترص فى صينية مدهونة وتخبز وبالف هنا
مديرة مجلة فلفل شطه الشيف بوسي السيد

تورته سهله وبسيطه مقدمه من الشيف مي عطيه

تورتة سهلة وساقعة علشان الحر ده😊
اسم الوصفة/تورتة موس الزبادى بالتوت🍰🍰
مقدمة من الشيف/مى عطية
مدة التحضير/15 دقيقة
المقادير:
3 باكو جيلى توت
4 كوب زبادى
2 كوب كريمة
نصف كوب سكر بودرة
للقاعدة:
4باكو بسكويت سادة
نصف كوب زبدة
الطريقة:
*للقاعدة:هنضرب البسكويت فى الكبة ونضيف عليه الزبدة ونحطه فى صينية التشيز كيك
*للتورتة:🍰
*هندوب الجيلى فى كوب ميه سخنة وبعد ما يدوب تماما هنضيف نصف كوب ميه باردة
*فى بولة اخرى هنضرب الكريمة مع السكر ونضيف عليهم الزبادى وبعدين نضيف الجيلى بالتدريج
*هنصب الخليط فوق البسكويت ويترك فى التلاجة على الاقل 4 ساعات
*ممكن نزينها باى حاجة كريمة او شوكولاتة وبالهنا والشفا جربوها طعمها تحفة
مديرة مجلة فلفل شطه الشيف بوسي السيد

الغريبه مقدمه من شيف دينا يوسف

كل سنه وأنتم طيبين 😍😍
الغريبه

مقدم من الشيف / دينا يوسف

مده التحضير / نصف ساعه

المقادير:

كيلودقيق
نصف كيلو سمن بلدي متلج
ربع كيلو سكر باودر

الطريقه:

يتم مزج السمن مع السكر حتي تمام الذوبان
ثم يتم أضافه الدقيق بالتدريج حتي اختفاء الدقيق تماما
يتم تشكيله عن طريق التقطيع من العجين  لكور صغيره ووضع نوع المكسرات المفضل
او يمكن عمل الغريبه ساده
ترص ف صنيه وتدخل الفرن مده من عشر دقائق حتي ربع ساعه علي درجه حراره ١٦٠
وبألف هنا وشفا
مديرة مجلة فلفل شطه الشيف بوسي السيد

كنافة المانجو والاوريو مقدمه من شيف دينا يوسف

كنافه المانجا اوريو

مقدم من الشيف/ دينا يوسف

مده التحضير / ربع ساعه

المكونات /
ربع كيلو كنافه محمصه ومطحونه بالسكر والزبده

نصف كوب شربات خفيف
حبه مانجا مقطعه ترانشات
أربع بواكي اوريو
كريم باسترى باودر

معلقتين شيكولاته دائبه
لبن مثلج لتحضير الباستري

الطريقه :
بعد تحميص الكنافه وتحضيرها
يتم وضعها ف بوله التقديم ك أرضيه
يتم رشرشه سطح الكنافه بالشربات الخفيف
يتم وضع طبقه من الكريم باسترى فانيليا حتي نصف البوله
ووضع باسترى بالشيكولاته فالنصف الاخر

( تحضير الباستري عن طريق وضع كوب من باودر الكريم باستري علي كوب لبن مثلج ويتم الخفق حتي تمام التجانس
يتم تقسيم الخليط لاثنين ووضع معلقتين الشيكولاته الذائبة لنصف المقدار حتي نحصل علي خليط باستري شيكولاته)

نضع علي اعلي الكريم باستري فانيليا قطع المانجا المقطعه
ونضع علي الكريم باستري شيكولاته الاوريو المفروم
ثم يتم تكرار نفس الطبقات حتي الانتهاء من ملء البوله تماماً
ثم تترك فالتلاجه حتي يتم التماسك
وبألف هنا وشفا
مديرة مجلة فلفل شطه الشيف بوسي السيد

كبسه بصدور الدجاج المخليه مقدمه من شيف دينا عادل

اسم الوصفة / كبسة بصدور الدجاج المخلية
مقدمة من / دينا عادل
مدة التحضير / 10 دقائق
مدة الطهي / ساعة
المقادير
كيلو إلا ربع صدور فراخ مخلية مسلوقة سلقة إلا ربع
4 اكواب أرز
فصوص حبهان
أعواد قرفة
كركم او توابل كبسة
لتر عصير طماطم
ملح
فلفل اسود
بصلة كبيرة مقطعة جوانج
الطريقة
نضع معلقة السمنة علي النار ثم نشوح فيه الكركم و الحبهان و القرفة ثم نضع عصير طماطم و نتبله بالملح و الفلفل الأسود و نتركه يغلي ثم نضع كوب شوربه و الفراخ و تترك الفراخ حتي تستوي ثم نخرجها من الطماطم و نضع الارز بحيث يكون الطماطم مغطي الأرز و اذا الطماطم أقل ممكن إضافة شوربة فراخ و نتركه حتي يستوي
في طاسة نضع معلقة السمنة ثم نضع البصل و نضيف الفراخ و نصف كوب شوربة و رشة ملح و فلفل اسود و نتركها حتي تشرب الشوربة و تتحمر 
نضع الارز في طبق التقديم و عليه الفراخ و البصل المحمر ممكن إضافة مكسرات حسب الرغبة

الارز بحليب كريمي وخطيير مقدم من شيف بوسي السيد

الارز بلبن كريمي وخطيير
مقدم من مطبخ ام اسر
المكونات
كوب الا ربع ارز مصري
كيلو حليب (لبن)
ظرف فانيليا
3 ملاعق كبار حليب بودر
2ملعقه كبيره لبنة كيري
ملعقه كبيره نشا
سكر حسب الرغبه
3كوب ماء
الطريقه
يغسل الارز ويوضع في اناء علي النار وعليه المياه حتي تجف
في بوله يوضع الحليب مع السكر والنشا والفانيليا والحليب البودر واللبنه
تقلب جيدا كل المكونات ثم توضع علي الارز مع التقليب المستمر وتهدىة النار
يقلب جيدا خمس دقاىق ثم يغرف في اطباق التقديم
وعليه مكسرات او صوص شيكولاته او كراميل او مع ايس كريم او بدون اي اضافات حسب الرغبه
مديرة مجلة فلفل شطه الشيف بوسي السيد

الدوناتس هش وناعم جدا مقدم من شيف مروه جمال

الدوناتس هش وناعم جدااا
مقدم من الشيف/مروة جمال
مده التحضير/١٥ دقيقه
مده الطهى/٥ دقائق
المقادير
نصف كيلو دقيق
٥٠ جرام زبده
٨ جرام ملح
٨ جرام خميرة فوريه
٢٥ جرام لبن بودره
٥٠ جرام سكر
بيضه
٥ جرام محسن خبز بودر
٢٢٥ جرام ماء دافئ او حسب احتياج العجينه
للتزين
شكولاته مذابه بشويه زيت وشوكليت شيبس وسكر بودرة
للحشو
نوتيلا او باسترى كريم او مربى حسب الرغبه
الطريقه
عجن مباشر بمعنى هنضع كل المقادير على بعضها والماء
ونعجن حتى الحصول على عجينه ملساء ولا تكون طريه قوى ولا متماسكه قوامها متوسط
ونعجن فترة كافيه لتتكون شبكه الجلوتين بمعنى هناخد قطعه عجينه ونشدها ولو اتقطعت يبقى لسه عايزة تتعجن تانى
 وتترك لتخمر نصف ساعه ثم تشكل وتترك لتخمر مرة اخرى فى مكان دافئ به حمام مائى حتى لا تتكون طبقه فوق العجينه وتترك تخمر نصف ساعه وتقلى فى زيت غزير ساخن وتترك لتبرد وتزين
مديرة مجلة فلفل شطه شيف بوسى السيد

تارت المربي مقدم من شيف ايمان جمال

تارت المربى
مقدم من الشيف ايمان جمال
مدة التحضير ١٠ دقاءق
مدة الخبز ١٥ دقيقة 
المقادير
كوبين ونص دقيق
كوب سمن او زبدة
نصف كوب سكر بودر
بيضة
فانيليا رشة ملح
الطريقة ....
نقوم بضرب السكر مع الزبدة حتى تصبح كريمى بالمضرب اليدوى
 ثم ننزل بالبيضة ونضرب وبعدين الفانيليا والملح والدقيق ونقلب بدون عجن 
و.نحضر قوالب التارت وتفرد فى كل قالب مدهون زيت قطعة عجين
ندخلها الفرن على نار هادية وعند احمرار الأطراف نخرجها وعندما تبرد نزينها بمربى او اى توبينج  تفضليه والف هنا
مدير  مجلة فلفل شطة شيف بوسي السيد

محمد صلاح : الم تكتفي بعد؟

واحد إنجليزي كاتب التعليق ده لمحمد صلاح
على صفحة ليفربول

ألم تكتفي بعد  ؟
أما آن لك ان تتوقف عما تفعله إحتراماً لتاريخ من سبقوك  ؟
أما يكفيك أن تقضي على العنصرية ضد العرب ؟
أتظن ان أقدامك علي الأرض تزلزل قلوب المدافعين وحراس المرمي وحدهم  ؟
الأمر ليس هكذا يا فتي  ..
أنت تعصف بكيان دولة كامله  ..
تغنوا بأسمك في موسمك الأول ولم تكتفي  ..
حملوا أعلام الدوله المصريه فلم تتوقف  ..
رسموا إبتسامتك البريئه علي جدران منازلهم فما ارتضيت  ..
والأن  ..
إلي أين انت ذاهب بهم  ؟
ألا تعلم انك أقوي إعصار عاطفي مر علي أمة ليفربول  ؟
أتظن أنه من السهل أن تعبث بأرقام نُقشت بالدماء على قلاع الأنفيلد الحصينه  ؟
قلتها لك وسأكررها عليك مرة أخرى  ..
أنت قررت أن تعاقب بريطانيا على احتلالها لبلادك  ..
و نجحت فى ان تحتل دولةً كاملةً وحدك  ..
و ليتك أستعمرت أراضيهم  ..
أنت أستعمرت قلوبهم و عقولهم وحناجرهم التي تهتف لك  ..
و لم تكتفي  ..
و أعلم أنك لن تكتفي حتي تري دموع أصحاب الأرقام التي تحطمها بعينيك  ..

فيا صاحب الابتسامة الطفوليه  ..
يا صاحب الأخلاق الرفيعه  ..
إن خدعت الجميع فلن تستطيع أن تخدعني  ..
فلقد خبرتهم و أنذرتهم لكنهم تجاهلوني  ..
قلت لهم أن الانجليز لم يتعاقدوا مع لاعب كرة قدم  ..
الانجليز تعاقدوا مع خلوق محترف ..
خلوق محترف اسمه محمد صلاح 💪

سمك البربون مقدم من شيف اماني رضا

سمك بربون
مقدم من امانى رضا
مده التحضير ١٠ دقايق
مده الطهى١٥دقيقه
المقادير
كيلو سمك بربون
ملح كمون
توم فلفل اخضر
لمون خيار جزر
 دقيق
الطريقه
يتم غسل السمك وتنظيفه جيدا وحشوه بالخلطه مكونه من ملح وكمون ولمون
وفلفل اخضر وجزر مبشور ونبدره
بالدقيق ويقلى في زيت غزير
ويقدم مع الخيار والجزر واليمون

مشروب مهديء للاعصاب ولذييذ مقدم من الشيف اسماء عزازي

مشروبنا اليوم مفيد جدااا ومهدئ للاعصاب ولذيذ جداا عصيرمهم جدا بعد الفسيخ
 "الليمون بالنعناع
مقدم من اسماء عزازي
مدة التجهيز ١٠
المكونات:
5 حبات من الليمون
حزمة من النعناع الاخضر الطازج
كوب من السكر او العسل الابيض حسب الرغبه
ماء مثلج

الطريقه :

تؤخذ أوراق النعناع الأخضر وتوضع جانباً، ثم يقشر الليمون ونتخلص من بذوره  , يتم اضافة السكر والماء المثلج والليمون واوراق النعناع ويخلط فى الخلاط بشكل جيد، ثم يتم تقديمه بارداً بعد أن يصفى جيداًوالف هنا
مديرة مجلة فلفل شطه الشيف بوسي السيد

موس الفراوله بالجليز الرخامي مقدم من المبدعه دينا يوسف

طريقه عمل تورته موس الفراوله بالجليز الرخامي
مقدم من الشيف دينا يوسف
مده التحضير ( تجهز علي يوم)

اولاً مقادير صوص الفراوله
٢ كوب من الفراوله المطحونة
٦ معالق سكر كبيره
معلقتين من عصير الليمون

نضع المزيج السابق في إناء علي نار هادئه حوالي سبع دقائق
حتي يتكاسف ويتبخر منه الماء ويتبقي منه حوالي كوب ونصف من صوص الفراوله
نقوم بتصفيتها من البذر ونضع نصف معلقه فانيليا
 ونتركها حتي تهدأ تماماً

مقادير كيكه الفانيليا
٦ بيضات
كوب دقيق
كوب ونص سكر
معلقه فانيليا
معلقه بيكنج باودر
رشه ملح

طريقه تحضير كيكه الفانيليا
يخفق البيض مع السكر حتي يتضاعف حجمه ويصبح لونه فاتح
نخلط المواد الجافه ونضعها علي المزيج السابق تدريجياً علي ثلاث مراحل حتي يختفي الدقيق تماماً
نضعها في صنيه الخبز علي ورقه زبده ونضعها بفرن ساخن علي درجه ١٨٠ لمده ١/٣ ساعه تقريباً
تترك لتبرد تماماً حتي يتم تجهيز الموس

مقادير موس الفراوله
٦٠٠ جرام جبنه كيري
١٢ معلقه سكر كبيره
معلقتين جيلاتين بودر ذائب بمياه دافئه
٢ كوب كريمه خفق
صوص الفراوله الذي تم تجهيزه سابقاً
٣ معالق سكر بودر
فانيليا

طريقه تحضير الموس
تخفق الجبنه مع السكر والفراوله حتي تمام التجانس ثم نضيف الجيلاتين المدوب للخليط
ثم تخفق كريمه الخفق مع ثلاث معالق السكر بودر. ومعلقه الفانيليا
نضيف كريمه الخفق لمزيج الجبنه والفراوله علي ثلاث مراحل حتي لا نفقد الهواء داخل الكريمه

بصنيه اكبر من حجم صينيه الكيك المحضر سابقاً نضع نصف الكيكه بالأسفل  وتسقي من ماء الكمبوت او لبن وعسل
نضع جزء من الخليط المحضر ونضع نصف الكيكه الاخر وتسقي مره اخري ثم نسكب عليها باقي موس الفراوله حتي تغطيها من جميع الجوانب ونساوى السطح جيداً
ثم نتركها ليله كامله بالفريزر

لتحضير صوص الجليز الرخامي نحتاج المقادير التاليه
٦٠٠ جرام شيكولاته بيضا مبشوره
٤٠٠ جرام لبن مكثف
معلقتين جيلاتين مدوب بماء دافئ
٦٠٠ جرام سكر جلوكوز
١٥٠ جرام ماء للجلوكوز
٦٠٠ جرام سكر ابيض

طريقه التحضير
نضيف. اللبن المكثف علي الشيكولاته البيضا المبشوره وتترك جانباً
نضع السكر الجلوكوز مع الماء علي نار هادئه حتي يذوب السكر تماماً
ثم نضعه علي اللبن المكثف والشيكولاته ونخلطهم حتي تذوب الشيكولاته تماماً
تترك ليله كامله بالمبرد مع كيكه الموس
نقوم  ب اخراج الصوص قبل استخدامه بفتره كافيه حتي يصبح بدرجه حراره الغرفه وندخله المايكرويف مع التقليب المستمرحتي يصبح قوامه سائل تماماً
نترك جزء من الخليط الأبيض جانباً
نضيف اللون المراد استخدامه علي باقي الخليط
نضع الكيكه علي شبكه ونصب الصوص حتي يتم تغطيتها من جميع الجهات ثم نضع قطرات من الصوص الأبيض حتي تعطي الشكل الرخامي علي الكيكه المجهزة
توضع بطبق التقديم. وتوضع بالثلاجه حتي تبرد تماماً وتقدم بارده

الف هنا وشفا
مدير مجلة فلفل شطه الشيف بوسي السيد

الجاليبي الهندي مقدم من شيف هبه عادل

الجاليبى الهندى
مقدم من شيف هبه عادل
المقادير:
كوب دقيق
ملعقه كبيره نشا
ملعقه كبيره زبادى
نصف ملعقه صغيره بيكنج بودر
رشة بودرة زعفران او لون برتقالى بودر
نصف كوب ماء تقريبا
شربات خفيف
زيت للقلى

الطريقة:
نخلط المكونات مع بعض جيدا ثم يضاف المياه لحد ماتبقى قوامها زى قوام لقمة القاضى كدة ونغطيها ونسيبها ترتاح نصف ساعة
في كيس حلوانى يوضع فيه الخليط ونفتح فاتحة صغيرة
في طاسة يوضع فيها الزيت وننزل بالخليط شكل دورانات عشوائى مثل الصورة مثل المشبك
 نقلبها علي الجانب الاخر ولما تطلع توضع ف الشربات
وبالهنا
مديرة مجلة فلفل شطه الشيف بوسي السيد

الكوارع بطريقه شهيه جدا مقدمه من شيف بوسي السيد

الكوارع
مقدمه من مطبخ ام اسر
المكونات
كوارع نظيفه بالعظام
بصل
طماطم
ملح
فلفل
رشة قرفه
3فصوص حبهان
ورق لورا
رشة سماق
الطريقه
يغلي الماء ويوضع به الكوارع ومعه بصله وورق اللورا والحبهان والملح والفلفل
تترك الكوارع حتي تسلق جيدا
بعد السلق نخليها من العظم وتقطع قطع صغيره
تحمر في ملعقة سمن ويوضع عليها مكعبات البصل ومكعبات الطماطم وربع كوب من مرقة الكوارع
تتبل بملح وفلفل ورشة القرفه والسماق
تترك حتي ينضج البصل جيدا
وتقدم
مديرة مجلة فلفل شطه الشيف بوسي السيد

تشييز كيك ياباني مقدم من شيف هبه عادل

تشيز كيك يابانى
مقدم من شيف هبه عادل
المقادير:
6 بيضات
ربع كيلو جبنة كيرى
كوب سكر
2 م ك زبدة
نصف كوب حليب
عصير وبشر ليمونة
تلت كوب دقيق
م ك نشا
رشة ملح
فانيليا

الطريقة:
نفصل بياض البيض عن الصفار
نضرب صفار البيض والفانيليا والجبنة مع بعض
نضيف نصف كوب من السكر ونضرب
نسيح الزبدة فى اللبن
نضيف خليط الزبدة على خليط الصفار ونضرب
نقلب النشا والدقيق
نضيف خليط الدقيق على خليط الصفار ونضرب
نضرب بياض البيض مع نص كوب السكر وعصير الليمون وبشر الليمون لحد مايبقى مارينج عالى
نضيف المارينج شوية شوية على خليط الصفار ونقلب بمعلقة خشب بالراحة من تحت لفوق
نجيب صينية واسعة شوية ونحط فيها مية
نجيب صينية مقاس 26 ونصب فيها خليط النشيز ونحطها ف الصينية الواسعة
تدخل الفرن على 200 لحد ماتستوى وبالهنا
مديرة مجلة فلفل شطه الشيف بوسي السيد

الوافل اللذيييذ مقدم من شيف بوسي السيد

الوافلز الخطير سهل جدا وسريع التحضير
مقدم من مطبخ ام اسر
مدة التحضير 10دقاىق
مدة الطهي 20 دقيقه
المكونات
2كوب دقيق
2ملعقه كبيره سكر
رشة ملح
ملعقه كبيره فانيليا
ملعقه كبيره بيكنج بودر
2بيض
كوب ونصف حليب
ربع كوب زيت
الطريقه
يخلط الدقيق مع البيكنج بودر والملح والسكر والفانيليا ويقلب
يوضع عليه البيض والحليب
يخلط الخليط جيدا بمضرب سلك او كهربي
يوضع عليه الزيت ثم يقلب جيدا
يصب الخليط في مكنة الوافلز او في القوالب المخصصه له
تطهو لمدة تلت ساعه علي درجة حراره 200
يقدم مع ايس كريم او صوص توفي او شيكولاته او عسل وزبده حسب الرغبه
مديرة مجلة فلفل شطه الشيف بوسي السيد

البرجر الخطيير مقدم من المتميزه توتا مراد

البرجر بنكهات مميزه وشهيه
مقدم من شيف توتا مراد
المكونات

نصف كيلو لحم مفروم
معلقه صغيره مليانه ملح خشن
2 معلقه صغيره مليانه بصل بودر
معلقه كبيره زبده طريه
معلقه صغيره ممسوحه بيكنج
معلقه صغيره باربيكيو او كاتشب

الطريقه:-

قلبي كله مع بعض كويس ودخليه الثلاجه ساعه طلعيه شكليه بمكبس البرجر معندكيش مكبس برجر شكليه ف اى غطا علبه بلاستيك حطى الاول كيس سندوتشات وبعدها افرديه اللحمه واضغطي ب ايدك كوييس جدااا ودخليه الفريزر ساعه ولازم يجمد  بعد كده ادهنى صاح خبز زيت بسيط ودخلى البرجر على فرن سخن درجه 200 على الرف الوسط وبعد 10 دقايق اقلبيه على الناحيه التانيه 10 دقايق كمان يستوى حطى الجبنه و حطيله فحمايه وغطيه 5 دقايق

المشروم: -

المشروم معلب غسلته كويس بميه وصفيته..بعدها شوحته ف زيت وزبده ورشه فلفل ونقطتين لمون ولما اتحمر زودت عليه ربع كوب ميه متقلب فى معلقه ك صويا صوص ومعلقه ص دقيق او نشا ونزلتهم عليهم وقلبت واول مايغلى نقفل وهيكون جاهز اهم حاجه تشوحو المشروم كويس لحد ماحروفه تبقي دهبي غامق

صوص الجبنه:-

ربع كيلو جبنه شيدر احمر او جزء احمر وجزء اصفر ال تحبوه انا بعملها كلها ب احمر
2 معلقه ك دقيق ممسوحه مش مليانه
2 معلقه ك زبده طريه
2 ونص كوب لبن
رشه ملح وفلفل

هنقلب الزبده مع الدقيق واول مالونهم يبقي ابيض ننزل اللبن تدريجيا ونقلب والنار تكون هاديه بعد مالخليط يبقي ناعم نزود ريع كيلو جبنه شيدر  مبشوره ونشيلها من على النار دقيقه مع التقليب ونرجعها تانى ونقلب دقيقه مش اكتر مجرد مالجبنه تدوب والحروف تغلى نقفل وكلووو احلى صوص شيدر

ملحوظه

البرجر مش عايز عجن كتير
المشروم لازم يتشوح كويس
العيش انا حمصته شويه ف طاسه فيها شويه زبده وزيت ...قطعت العيش نصين وحطيته ف الطاسه دقيقه عشان يتحمص من جوه
مديرة مجلة فلفل شطه الشيف بوسي السيد