المقلوبه الشهيه مقدمه من الشيف مي عطيه

اسم الوصفة:المقلوبة
وقت التحضير:30 دقيقة
مدة الطهى:30 دقيقة
الوصفة مقدمة من/مى عطية
المكونات:
لحمة قطع
باذنجان رومى
جزر
طماطم
ارز بسمتى
التوابل (ملح_فلفل_عود قرفة_فصين مستكة_لورا_حبهان)
الطريقة:
●هنسلق اللحمة فى كل التوابل المذكورة وطبعا بصلة
●هنقلى الباذنجان ونصفيه على ورق مناديل وهنقطع الطماطم والجزر شرائح رفيعة وطبعا هنصفى الشوربة وهنسقى بيها الارز
●هنرص اول طبقة وهى اللحمة وفوقيها الطماطم

●وبعدين نرص فوقيها الجزر واخر حاجة الباذنجان ونحط طبقة محترمة علشان ده اساس الوصفة
●واخر حاجة هنغسل الارز ونصفيه ونضيفه فوق الباذنجان ونسقيه بالشوربة ونضيف معلقة كبيرة سمنة اول ماتغلى ويبتدى الرز يتشرب هنوطى النار زى ما بنسوى الرز وطبعا لما نيجى نقلب ههقلب من على الوش بس علشان ما نهدش الطبقات اللى تحت وبعد ماتستوى هنسيبها تهدى شوية قبل مانقلبها علشان الرز يمسك نفسه
جربوها اكيد هنعجبكو وبالف هنا
الكميات كلها حسب الرغبة مفيش مقادير معينة