مكرونه بالوايت صوص مقدمه من شيف مى عطيه

مكرونة بالوايت صوص
سهلة وخفيفة وسريعة
الوصفة مقدمة من الشيف/مى عطية
المقادير:
كيس مكرونة فتوتشينى او شرائط
علبة كريمة لبانى
2 ملعقة دقيق
ملح و فلفل
فلفل الوان
كوب مشروم
2 مكعب زبدة
2 صدور دجاج
ا ملعقة بابريكا
الطريقة:
○هنتبل صدور الفراخ بالملح والفلفل والبابريكا وميه بصل ونسيبها فى التتبيلة ساعة على الاقل وهندهن الجريل بالزبدة ونحط الفراخ لحد ماتاخد لون وبعدين نقلبها على الوش التانى حتى تنضج
○هنسلق المكرونة و نصفيها وبعدين نعمل الصوص منحط مكعبين زبدة ونشوح فيها المشروم والفلفل الالوان وبعدين نحط عليهم الدقيق و نقلب دقيقتين وبعدين نضيف الكريمة تدريجى مع التقليب حتى يصبح الصوص قوامه متوسط ونضيف الملح والفلفل ونهدى النار واخر حاجة المكرونة ونسيبها تغلى فى الصوص 3 دقايق على نار هادية
○التقديم:نضع المكرونة ونقطع صدور الفراخ ونحطها على الوش زى الصورة ويا سلام لو رشة جبنة بارميزان🧀 تبقا هايلة👌لو مش موجودة الرومى هتقضى الغرض
وبالف هنا

مديرة مجلة فلفل شطه الشيف بوسى السيد