كبة البطاطس الشهيه مقدمه من الشيف هاله طارق

كبة البطاطس
مقدمه من هاله طارق
مدة التحضير 30 دقيقه
مدة الطهى 10 دقائق
المقادير
بطاطس مسلوقه ومهروسه
لحمه مفرومه معصجه
جبنه موتزيرلا
بيضه
دقيق
بقسماط مطحون
ملح
فلفل اسود
توم بودر
بصل بودر
كمون
بقدونس مفروم
زيت للقلى
الطريقه
نتبل البطاطس المهروسه بالملح والفلفل الاسود وباقى التوابل ثم نضيف البقدونس المفروم والبيضه ونبدأ فى اضافة الدقيق و البقسماط بالتساوى حتى نحصل على عجينه يمكن تشكيلها ونبدأ فى عمل كور من البطاطس وناخذ كل كره ونفتحها بهدوء ويمكن ان نضع ماء على اطراف الصوابع حتى يسهل تقويرها وتحشو باللحمه المفرومه والجبنه الموتزيرلا وتغلق وهناك شكلين شكل كالكمثرى او شكل الكبيبه ويمكن ايضا نشكلها كور ونضعها فى الثلاجه ترتاح نصف ساعه ثم تقلى فى زيت غزير وتقدم بالف هنا
اللحمه المعصجه:
*نضع زبده ع نار ونشوح بصل مفروم ثم نضيف اللحم المفروم ونقلب ونتركها تنضج وتتبل بالملح والفلفل الاسود.
*البطاطس تهرس وهى ساخنه.
*يمكن اضافة زيتون فى الحشوه.

مديرة مجلة فلفل شطه الشيف بوسي السيد