كريب لايت بالكبد والجزر مقدم من الشيف هند ابو السعود

كريب لايت وصحي بالكبد والجزر
مقدم من : هند ابو السعود
مده التحضير : ٢٥ دقيقه
مده الطهي : ١٥ دقيقه
المقادير 
كوب دقيق منخول
ربع كوب دقيق الشوفان
٢ كوب حليب لايت
٢ بيضه
معلقتين زيت زيتون
رشه سكر لايت
رشه ملح
رشه فلفل اسود
 مكونات الحشو
نصف كيلو كبد دجاج
جزرتين مقطعتين اصابع صغيره
فلفل رومي
بصله  مفرومه
فصين ثوم مفروم
فلفل اسود
رشه ملح
طريقه عمل الكريب
ف الخلاط هخلط البيض مع الحليب وعليهم الفلفل الاسود  وبعدين نضع الدقيق والملح ودقيق الشوفان والسكر ومعلقه زيت زيتون ونخلطهم مع بعض ف الخلاط وبعدين نجهز طاسه تيقال وندهنها بزيت الزيتون وناخد بالمغرفه من الخليط لغايه ميتماسك وبعدين نقلبهم ع الناحيه التانيه لغايه مياخد اللون الذهبي
تجهيز الحشو
نسلق الجزر سلقه بسيطه خالص
وبعدين ع النار نجهز طاسه وندهنها بزيت زيتون وننزل بالبصله وعليه الثوم بسرعه جدا مع التقليب المستمر وبعدين الجزر المسلوق وعليه الفلفل الرومي المقطع قطع صغيره وعليهم فلفل اسود وملح مع الاستمرار ف التقليب ونحهز الكبد ونقطعها وننزل بها ع باقي المكونات اللي ع النار ونضيف ربع كوب ميه ونتركها لمده ربع ساعه وبعدين نحضر الكريب ونحشيه بالكبد ونلفه ع شكل رول ومن ع الوش شويه صوص بتاع الكبد .....
صحه وهنا
مديره مجله فلفل شطه شيف بوسي السيد