المسقعه المودرن مقدمه من الشيف ندى العسال

 المسقعة المودرن
مقدمة من الشيف ندى العسال

مدة التحضير 15 دقيقة
مدة الطهى 15 دقيقة
المقادير:-
- باذنجان رومى مكعبات .
- فلفل الوان احمر واصفر واخضر مكعبات كبيرة .
- بطاطس صوابع .
- 1 قرن فلفل حامى .
- 1 حبة بصل صغيرة مبشورة .
- 5 فص ثوم مفروم + ملعقة ك خل .
- عصير 3 حبات طماطم .
- 2 معلقة كبيرة صلصة .
- معلقة صغيرة سكر .
- ملح وكمون وكزبرة ناشفة .
- زيت .
- زبادى .
- بقدونس للتزيين .
الطريقة :-
- يقلى كلا من الباذنجان والفلفل الالوان والبطاطس فى الزيت حتى النضج .
- فى وعاء عالنار يوضع الزيت والثوم والبصل حتى يذبلا ويشقر لونهم .
- يضاف لهم القليل من الخل ثم صلصة الطماطم ومعلقة السكر ويقلبوا معا .
- يضاف عصير الطماطم عالمكونات السابقة وتترك الصلصة عالنار حتى تتسبك تماما .
- يضاف للصلصة القليل من الماء ويقلب ثم يضاف الباذنجان والفلفل الالوان والبطاطس ويقلبوا مع الصلصة ويتبل الخليط بالملح والكمون والكزبرة الناشفة وتترك عالنار لتغلى غلوتين ثم نطفئ .
- تغرف المسقعة مع وضع القليل من الزبادى عالوجه والبقدونس وتقدم .. بالهنا
( هتاكلوا احلى واسهل واخف مسقعة فى الدنيا وطعم الزبادى فيها بجد فوق الروعة )
تحياتى  ،،،
مدير مجلة فلفل شطة شيف بوسى السيد