طاجن تورلي باللحمه مقدم من: غادة صادق

التورلي اسمه الاصلي رتاتورلي وهو من الاكلات الفرنسيه الغنيه بمجموعه من الخضروات سهل وسريع وصحي كمان وعالي القيمه الغذائيه لاحتوائه على انواع مختلفه من الخضروات
نقدمه اليكي بالنكهه العربيه
تعرفي علي الوصفه معنا
مده التحضير: 20 دقيقة
مده الطهي: 45 دقيقة
المقادير :
طبعا كميه الخضار حسب عدد افراد الاسرة
ربع كيلو كوسه
ربع كيلو بسلة
ربع كيلو فاصوليا خضرا
2 حبه بطاطس وسط
2 حبة جزر
في الشتاء ممكن نستعمل الخرشوف
2 حبه بصل كبيرة
ملح
فلفل اسود
عصير5 حبات طماطم وسط
كمية من اللحمه مقطعه شرائح بس مش بفتيك تكون شرايح تخينه
الطريقه ...

• نقطع الخضروات كلا حسب نوعه
• نقطع البصل شرائح ونفركها بالملح والفلفل
• ناخد حوالي ربع مقدار البصل نخلطه باللحمه
• نرص اللحمه في قاع الصينيه او البرام الفخار بس يكون من النوع الواسع شبه الصينيه
• نرص الخضروات فوق اللحمه
• نضيف عصير الطماطم ونهز الصينيه حتي يصل العصير يتخلل الخضروات ويصل للحمه
• نضيف 3 ملاعق سمن عالوجه
•   توضع علي النار تغلي لمده 5 دقائق
• توضع الصنيه في فرن ساخن جدا حوالي ساعه الا ربع
• يقدم مع ارز ابيض