الدونات مقدم من الشيف غادة صادق

الدونات من الحلويات الامريكيه الجميله واللذيذ ه والاطفال بيحبوه جدا والكبار ايضاً
ولان سعره غالي ممكن نعمله في البيت اوفر كتير
تعرفي علي الوصفه معنا
مده التحضير :15 دقيقة
مده التخمير:1 ساعه
مده الطهي :15 دقيقة
المقادير
2 كوب ونصف دقيق
1 حبه بيض
فانيليا
ربع كوب سمن
ربع كوب لبن دافئ
ربع كوب ماء دافئ
ربع كوب سكر
2 ملعقه كبيرة لبن بودرة
نصف ملعقه صغيرة ملح
1ملعقه كبيرة خل او نصف ملعقه صغيرة محسن خبز
1ملعقه صغيرة  خميرة
زيت للقلي
للتزين
شيكولاته سايحه مع نصف ملعقه صغيرة زبده
شيكولاته بيضا سايحه بدون اضافه اي شئ لها
سكر بودر
شيكولاته فارمسيل الوان او بندق مجروش
الطريقه

• نخلط كل المقادير الجافه مع بعض
• نضيف السمنه ونخلطها مع الدقيق جيدا
• نضيف البيضه ونخلطها جيدا
• نكمل العجن بالماء واللبن الدافي الي ان نحصل علي عجينه لينه وغير ملتصقه باليد
•   تغطي وتترك تخمر لمده ساعه
• ناخد نصف العجينه نفرده بسمك اكثر شويه من نصف سم
• نقطع بقطاعات الدونات او اي قطاعه ونعمل فتحه بالوسط وتترك  تخمر مره اخري
•  تقلي في زيت دافئ غيرساخن كل جهه حتاخد حوالي دقيقه واحده
•   نخرجها من الزيت على مناديل مطبخ لتمتص الزيت  ونتركها تبرد ونزينها بالشيكولاته او السكر

ملاحظه
لما نقطع الدونات ونتركه يخمر بنجيب ورق زبده نقطعه مربعات ونضع عليه الدونات ودا لسهوله نقله للزيت بعد ما يخمر
تعرفي ان الدونات نجح وانتي بتقليه ستلاحظي  خط ابيض ظهر في وسط واحده الدونات عند نهايه ارتفاع الزيت
وبالهنا والشفا