معمول السميد مقدم من: Ghada Sadek

جربي معمول السميد اللذيذ ..
يحتوي السميد علي البوتاسيوم والزنك
هو ابطأ قليلا في الهضم من الدقيق
ولا ينصح لمرضي السكري بتناوله لانه يزيد من نسبه السكر داخل الدم
مده التحضير: 30 دقيقه على يومين
مده الطهي :20 دقيقه
المقادير
1كيلو دقيق
نصف كيلو سميد فرخه يعني ناعم جدا
750 جرام سمن
1كوب سكر بودرة
1ملعقه صغيرة محلب محمص ومطحون
1ملعقه كبيرة  خميرة
1كوب وربع مياه دافئ للعجن
الحشو ..
تمر مفروم ونعجنه بملعقتين سمن
الطريقة

• طريقة معمول السميد بتتم على مرحلتين
• ولابد من استخدام السميد الفرخه يعني ناعم جدا جدا زي الدقيق بالظبط ودا لنجاح الوصفه
• نخلط الدقيق والسميد والسكر فقط
• نقدح السمن ونضيفها للخليط ونخلطها جيدا مع الدقيق والسميد بحيث تتشرب السمنه كلها
• الخطوة المهمه هنا اننا نغطيها ونتركها على الاقل 12 ساعه علشان حبه السميد تتفتح وتشرب السمن وتصبح طريه
• تاني يوم
• ندوب الخميرة في نصف كوب مياه دافئ مأخوذة من الكوب وربع ميه للعجن
• نضيف الخميرة للعجين ونضيف المحلب كمان ونعجن بباقي مقدار الميه الي ان نحصل علي عجينه لينه ناعمه
• نبدأ بتشكيل المعمول بالقوالب ونحشيها بالعجوة
• نرصها في الصاج وتترك تخمر هيا مش بتخمر كتير
• نخبزها في فرن حار على حراره 200 درجه
• اول ما القاع يبدأ يتلون نطلعها علشان ما تنشف
• وبالهنا والشفا