نصائح مفيده لكل ست بيت بمناسبة رمضان

السلام عليكم ورحمة الله 
كل عام وانتم بخير ورمضان كريم 

جايبة لكم شوية نصائح عن تجربة:
مقدمه من الحاجه الغاليه
- لما يكون عندك سمك مقلى او مشوى بايت سخنى
الفرن ودخليه هايطلع كانه طازج.
2- لما يكون فى عيش فينو بايت او اى مخبوزات
سخنى الفرن اولا ودخليهم يرجع ظازج. والعيش
الفينو البايت افتحيه واحشيه جبنة بيضاء ورشة
زعتر خفيفة ودخليه الفرن هايبقى طعمه رائع.
3- كل انواع المحاشى سخنيها فى الفرن.
4- وانتى بتعملى عصير الليمون ضيفى له ملعقة لبن
حليب هايخليه رائع.
5- قبل ماتحمرى البصل قلبيه تقلبتين بدون المادة
الدهنية هيخرج الروائح الكريهة ايلى فيه.
6- وانتى بتعجنى البيتزا ضيفى لها علبة زبادى وحبة
لبن بودر.
7- لما تغلى ميه فى حله الالمونيوم حطى نصف
ليمونة الحلة مش هاتسود وتسير مثل الجديدة.
8- وانتى بتعملى الفطير ضيفى على كل 2 ك دقيق
ملعقة بينكج بودر وبعد العجن قطعيه واتركيه
على الاقل ساعتين يفرد معاكى بسرعة.
9- وانتى بتعملى الكيك انخلى الدقيق جيدا ليتخلل له
الهواء.
10- وانتى نشرة غسيلك الالوان ماتسيبهوش فى
الشمس لا لونه بيتغير ويبقا كالح
111- وانتى بتعملى صلصة الطماطم ضيفى لها معلقة سكر والموخية ايضا ضيفى لها معلقة سكر.
12- الغسيل الابيض ماتدخلهوش على برنامج السخن
مباشر ضرورى الاول تنقعيه فى ماء بارد
13- وانتى بتعملى البسبوسة ضرورى الاول تبسيها
بالسمن وده سر نجاح البسبوسة.
14- رمضان جاى وكل سنة وانتم طيبين فصصى البلح
كله قبل رمصان وشيليه فى علبه وايضا قطعى
الياميش كله وشيليه يبقا على النقع على طول
15- عشاق العرقسوس بعد السحور تناولى كوب
عرقسوس يحد كتير من العطش.
16- بعد ماتاكلى الكنافة فى السحور تناولى بعدها علبة
زبادى عشان تمنع الحموضة.