تارت المربى مقدم من الشيف ندى العسال

 تارت المربى
مقدمة من الشيف / ندى العسال
مدة التحضير : 15 دقيقة
مدة الخبز : 20 دقيقة
المقادير :
- 3 كوب دقيق
- 3/4 كوب زبدة
- 3/4 كوب سكر
- 3 حبات بيض حجمها كبير
- معلقة بيكنج بودر
- فانيليا
 - مربى مشمش أو فراولة

الطريقة :
- تضرب الزبدة مع السكر حتى يصبح القوام كريمى .
 - يخلط كل من الدقيق والبيكنج بودر وذرة الملح ويتم اضافتهم على خليط الزبدة ويتم عجنهم معا حتى يصبحوا مثل رمل البحر
- تضاف البيضة والفانيليا وتعجن جيدا حتى تصبح عجينة يادوب متماسكة
- توضع لترتاح فى التلاجة لمدة نص ساعة ونغطيها باسترتش بلاستيك
 - نحضر العجينة ونقسمها التلت والتلتين وناخد التلتين ونفرده على سطح مرشوش بحجم اى صينية دائرية او مربعة او صينية التارت اللى هى مشرشرة من الجوانب
- نضع العجينة فى الصينية ونفردها جيدا ونعملها جوانب مرتفعة قليلا
- نحشى المربى على طبقة العجينة الأولى بالكامل جيدا 
 - نجيب التلت الاخير من العجينة ونفرده على سطح مرشوش بالدقيق ونقطعه بالسكينة شرايط نفس الطول بالعرض اللى انتى عاوزاه 
 - نضع الشرايط بالطول مرة وبعدين نضع باقى الشرايط عكس التانين بحيث يدينا شكل الشبكة زى اللى فى الصورة
- ندخلها الفرن على 180 درجة لمدة تلت ساعة حتى تحمر من أسفل والجوانب 
- نفتح الشواية عليها خمس دقايق عشان تحمر من أعلى
- نخرجها من الفرن ونسيبها ترتاح وتبرد ثم تقدم .
 مدير مجلة فلفل شطة شيف / بوسى السيد